高雄 - 小港國際機場 - 艾笠私伙遊記

好多景點好唔好玩~ 其實都好主觀~ 所以先一直做遊記~ 希望大家黎玩前可以睇定有咩啱玩先~ 不過機場呢個地方~ 無論你鍾唔鍾意都一定要去㗎喇~ 最近好多旅客都問~ 機場有咩食有咩買之類~ 雖然高雄機場唔大~ 不過都整理下俾大家睇~ 唔洗到時盲中中~

先從 1/F 接機大堂講起先啦~ 大家一到埗攞完行李就可以出黎先~ 我地司機就係響呢度用名牌接機㗎喇~ 如果有預約司機~ 最好先同司機相認~ 無論你仲有咩要攪~ 司機都會等你~ 只係預早俾司機有個預算~ 比較好安排~

我知道大家都要唱錢~ 禁區內亦有台灣銀行~ 就係因為呢個設計~ 好多朋友都驚出左去無得返轉頭~ 所以響裡面焗排~ 其實外面係有兩間找換店~ 唔洗響裡面排隊的~ 大家可以睇返我地之前 d 攻略先~

艾笠話你知 - 台幣唱錢攻略

無點你㗎~ 出閘後右手邊就有台灣銀行~ 你睇外面無人排隊㗎~

最緊要有得揀~ 睇晒兩邊匯率先都未遲~

門口出去就係的士站~ 寫到明多收 NT$50~ 加上排班師傅態度麻麻~ 如果需要高雄酒店接送都可以同我地預約~ 盡量幫你攪~

返番入去講返出閘後左手邊就係旅客服務中心~ 如果出黎見唔到司機~ 可以麻煩佢地借個電話打打~ 依家旅客服務中心隔離有 "遠傳" 電話卡賣~ 但我地唔太建議~ 因為好多人買完上車都係用唔到~ 要再去門市攪~ 即係棧攪~ 如果真係要買電話卡~ 都係上 3/F 買中華電訊啦~ 台灣最大電訊公司~ 佢都收唔到就只有認命~ 但係就預左排長龍~ 你搵我就梗係有計拆啦~ 租 WiFi 機咪唔洗排隊囉~ 可以參考下~

WiFi 租借服務 - 高雄機場交收

如果要上 3/F~ 左右兩邊都各有一部電梯可以上去~

匯率係隨時都可以轉的~ 所以我覺得㩒錢係最好~ 旁邊亦有便利店~ 可以買支水~ 入定貨上車有 d 世藝~

接機大堂兩邊都有洗手間~ 直出係旅遊車停車場~ 捷運站~ 公車站都響晒呢邊~ 1/F 接機大堂就係咁多野喇~

跟住講下 3/F 離境大堂啦~ 大家上機前一定會到嘅地方~ 鋪頭比接機大堂多~ 但係就係無便利店~ 要買野飲請落返 1/F~

話得離境大堂當然係攪左 check in 先啦~ 高雄機場唔大~ 國際線亦得幾個櫃檯~ 好易搵~ 如果遇啱 check in 櫃檯擠提~ 可以試下自助 check in~ 就算有行李要寄倉都 ok~ 佢會 print 埋行李貼紙~ 記得揀 passport 俾佢 scan 就 ok~ 咩都唔洗打~ 跟住去自助 check in 條龍寄行李~ 真係快好多~