高雄 - 假期限定親子觀光牧場

喺好耐好耐之前，阿女生日輪都輪到陪佢地去玩喇，近近地去親子餐廳食個飯，再去牧場＋觀光工場又食又玩，雖然好似好簡單，但細路都玩得好開心，順便可以同大家分享下。

台灣其實好多觀光工場，各有特色，呢個比較特別，淨係得星期六、日同假期先開。求期收你 NT$100 有野食有野玩仲有野拎埋走添，真係抵到爛。

裡面空間非常足夠又企理，100% 係細佬放電好地方，仲有野餐墊借俾大家用添，問你怕未。

每人憑飛尾可以去換羊奶同飼料，飼料係餵羊唔係餵細路架，你睇我個細幾開心，哈~ 佢要去餵羊唔想影相喎。

雖然只有羊餵，不過飼料又唔洗錢，細路仔夠玩架喇，去清境都係得羊餵之麻，係咪。

建議大家餵羊之前記得睇睇時間去睇揸奶真羊騷，可以派個代表 (即係我啦) 去排定隊先，較啱時間先返黎玩。

羊奶工場環境衛生 very ok，空氣流通，動物氣味難免，不過已經做得非常好。

一 ~ 開閘嘅時候有大批旅客搶閘入去，有專業工作人員做詳細解說，整個羊奶製作過程都會講，小朋友記得俾心機聽。

有留心聽講解的話，又好似我咁唔知醜同 d 細路爭搶答，咁就有獎品卡可以去換禮物喇，Yeah~

如果好似我咁著數攞盡喇，可以早 d 去榨乳區搵定個靚位，有真羊示範點樣俾人榨，榨完嘅新鮮羊奶唔係即刻飲架，要先攞去高溫消毒，然後會即場派，細路仔優先啦，唔好真係同細路仔爭喇。

地方唔係話十分大，但環境清幽，仲貼心地可以借野餐墊俾大家親親大自然添。

羊奶其實好飲架，無騷味的，你睇 d 細飲得幾落力。

飲飽食醉仲有禮物派，夫復何求呢，仲要 NT$100 乍，食老麥都唔得啦真係。

但記得只有 weekend 先開，其他日子要有返二三十人先有得諗，假期一定無位停車架喇，所以我地司機未必可以陪大家行囉，記得睇定攻略先喇。

艾笠墾丁 2 - 40人專業台灣包車服務, 免費行程安排, 可指定香港人導遊

HK Tel : 81700438

Email : info@iLoveKenting.com

Web : www.iLoveKenting.com

Facebook : http://www.facebook.com/iLovekentingHK