墾丁 - 南灣迷路小章魚餐酒館 Piccolo Polpo Bistro

住左墾丁幾年~ 其實都係覺得墾丁無啖好食~ 餐廳都係旅客 mode~ 貴夾唔飽~ 仲要唔好食~ 成個人嬲左~ 但係希望在明天~ 墾丁呢種熱門旅遊區~ 租金貴自然競爭大~ 鋪頭年年唔同樣~ 今次去食南灣一間新餐廳~ 其實都開左成年~ 見評語唔錯就黎試下~

迷路小章魚餐酒館

地址 : 屏東縣恆春鎮南灣里南灣路 68 號 (蝴蝶旅店)
電話 : 08-8882822

營業時間 : 請參考佢地官網

餐廳位置響南灣尾 (南下墾丁方向) 蝴蝶旅店地下~ 前身係蝴蝶旅店老闆賣自製 pizza~ 其實之前 pizza 好食架~ 我鍾意食佢個 Parma Ham Pizza~ 不過已成歷史~ 因為無做宣傳~ 跟本無人知~ 同埋真係得一味~ 佢連其他口味 Pizza 都麻麻~ 哈~ anyway 我地忘記他~ 今次係黎試新野的~

南灣距離墾丁大街其實算遠架~ 行路的話要 1hr~ 仲要係無行人路的~ 如果柞車就梗係快啦~ 不過要小心~ 南灣交通繁忙~ 兩邊都有要玩水上活動既旅客停車~ 出出入入都分外小心~ 千萬不可以亂 u turn~ 餐廳招牌就係咁大個~ 視力 2.0 以上先睇到~

格局唔錯~ 可惜附近環境衰 d~ 自己睇野集中 d~ 淨睇裡面非常 ok~ 門口位好適合去玩水玩到餓餓地過黎食個簡餐~ 飲杯野 hea 一 hea~ 係咪聽到都覺得渡緊假呢~ 快 d lam 下自己隻手睇下有無海水味~

話明餐酒館梗係有酒飲啦~ 感覺夜晚黎開支酒食個飯係幾寫意的~ 不過今日蠢~ 自己柞車無得飲...

開放式廚房~ 無特別好食~ 不過氣氛十足~ 又唔怕廚師 R 完又拿野俾你食~ 但係總覺得門口反轉黎坐~ 面向海會更正~

生意唔錯~ 服務令人舒服滿意~ 小朋友餐椅餐具都自動為你準備~ 有誠意的~

見到好幾本 Jamie Oliver~ 大家不妨去銅鑼灣食完再黎墾丁試下佢學到幾成~ 哈~

單價墾丁地區黎計算正常~ 當日無飲酒~ 每人直接點主菜~ 一杯野飲~ last 叫個甜品 share~ 人頭消費約 NT$500-600~ 廳餐有低消每位 NT$300 小朋友唔計~

微辣海鮮意大利麵~ 放心~ 我講得唔辣就真係唔辣~ 食材新鮮~ 最鍾意佢個蕃茄整得岩岩好~ 麵稍稍有 d 硬~ 可能係個人口味關係~

發緊夢唔記得老婆食乜喇~ 執手尾時覺得味道 ok 不過太似罐頭肉~ 個人覺得麻麻地~

鴨脾燴飯~ 另我突然思鄉想食臘鴨脾煲仔飯~ Sorry 錯晒 mood~ 鴨脾佢做得好好~ 煎得夠香但肉質仲係好 juicy~ 飯亦夠味~ 不過似乎濕左 d~ 但係成碟野係 ok 的~ 感覺晚餐簡間單單配支紅酒~ 真係幾梳肝~

整體感覺良好~ 有訂檯服務~ 如果從墾丁大街出發的話~ 建議打穩陣牌 book 定檯先~ 實在南灣係無咩好食~ 南灣民宿唔少~ 亦係水上活動最多人玩既地方~ 相信 keep 得住呢個食物同服務質數~ 生意唔憂做~ 所以短期內一定仲有得食~ 大家黎玩可以試下~ btw 墾丁要到南灣叫車的話大概 NT$300 單程~ 唔係搭公車都得~ 不過約 45mins 一班車~ 快過行路少少~ 個人極衰格地同大家講~ 小弟覺得未去到可以俾 NT$600 來回車錢專程去食既地步~ 如果包車一日遊玩完食埋飯就 ok~ 請大家自行斟酌~

艾笠墾丁 2 - 40人專業台灣包車服務, 免費行程安排, 可指定香港人導遊