墾丁 - 阿義海產 (個人評價為五星)


我成日都話後壁湖海鮮非常一般~ 原因係佢地 d 魚都唔係響墾丁捉既~ 從第二度運黎~ 新鮮極有限~ 所以要食生猛海鮮~ 就要去 d 無餐牌既地方~ 去到問老闆今日捉到 d 咩就食咩~ 咁先合情合理架麻~ 日日都有既常餐~ 咁你信唔信係新鮮捉架?!



顯示詳細地圖

同樣以墾丁大街為中心~ 等大家好預算距離啦~ 從墾丁出發到紅柴坑約 30mins 車程~ 要留意呢間海產店淨係做飯市~ 台灣食飯時間中午係 11:00am-1:00pm~ 中場休息到 6:00pm-8:00pm 食晚市~ 過左時間就唔洗去喇~ 唔開~ 無去過其實幾難搵~ 有去過第二次都未必識去~ 特別係夜晚~ 沿途係無街燈的~ 所以識得黎食既都係行家~ 


呢 d 叫直出 jpg~ 無執過架~ 睇得出新鮮啦~ 哈哈~

相信大家去後壁湖食過的話~ 都有試過佢地生意太好既時侯~ 食碟魚生仲係結冰既~ 無錯打條魚返黎每條都要急凍保鮮~ 但係上檯前點都有退冰下麻~ 阿義老闆對食係有執著既人~ 所以可以放心問佢意見~ 今日魚生靚唔靚佢會老實答你~ 如果今日無好野~ 佢會叫你唔好食~ 如果你同佢講叫佢切厚 d 薄 d 大 d 細 d~ 佢會直接 ignore 你~ 仲會好權威咁話你唔識食~ 食魚生就係要咁先岩岩好~ 塞錢入你袋呀o靚仔~ 唔信你又去試下丫~

河豚皮~ 老闆強調係無毒既河豚~ so far 我食咁多次都無事~ 段估應該係堅~ 個人十分推薦~

必點招牌菜烤軟絲 (即係魷魚)~ 返到黎先覺自己太 hea 影~ 因為同檯如戰場~ 執輸行頭慘過敗家~ 夾遲 d 都無得食呀~

蝦就易分呀~ 新唔新鮮一剝殼就知~ 無得厄~

呢條唔係倉魚~ 係金魚街見到既倒吊魚 (珊瑚魚一種)~ 係呀~ 食得架~ 仲幾 Q 添~

佢叫做海瓜子~ 係蜆既朋友~ 都係咁食~ d 肉仲大粒添~

雨來菇係恆春地區~ 落完雨先有既藻類食材~ 黎到一定要試下~ 

地瓜葉算係台灣好普通既菜式~

睇到呢度大家見到有幾多野食喇~ 份量老闆會以你人數佢幫你因~ 無固定菜單之餘~ 仲要係無標價錢既~ 大家唔洗面青~ 老闆係老實人~ 佢落單時會寫埋價錢你睇~ 唔會打死狗講價~

雖然我大力推薦阿義海產~ 但係唔好意思撻我朵無得平~ 因為老闆話佢唔興呢味野~ 叫我唔好放上網~ 怕太多人黎佢做唔切~ 佢亦好老實咁話佢地煮野其實唔得~ 係全靠食材新鮮~ 求其白灼都好食咁話~ 講真老闆係個好直率既人~ 起初我地互相都唔係好妥~ 不過佢真係好食~ 所以我仍然有帶人去食~ 慢慢佢亦知我為人~ 先有兩句傾~ 所以去到唔好期望有咩 services~ 呢間野係食味道的~ 差 d 漏左佢地自制花枝丸都好好食~ 

仲有仲有~ 我地當日七大一細~ 食以上既野~ 埋單 NT$2xxx~ 如果去後壁湖食至少多 NT$2000~ 呢度白飯任裝~ 係我心目中墾丁地區食海鮮首選~ 不過時間難就 d~ 因為玩景點唔順路~ 所以如果大家想去食~ 要預早同我地講~ 行程幫你排一排~ 值得一試~ 真係要去試下~

艾笠墾丁 2 - 40人專業台灣包車服務, 免費行程安排, 可指定香港人導遊

HK Tel : 81700438
Email : info@iLoveKenting.com

Web : www.iLoveKenting.com














墾丁 - 阿義海產 (個人評價為五星) 墾丁 - 阿義海產 (個人評價為五星) Reviewed by Unknown on 上午2:14:00 Rating: 5

沒有留言