墾丁 - 台灣牛四學士牛肉麵 & 屏東牛肉麵


台灣牛肉麵出名就係人都知~ 亦係台灣好穩陣既傳統美食~ 從北食到南~ 雖然都係牛肉麵~ 但係口味真係大不同~ 所以好唔好食~ 真係好睇你自己口味~ 高雄到墾丁途中~ 靠近海生館附近就有兩間~ 各有粉絲~ 我兩間都食過~ 台灣牛應該接受度較高~ anyway 兩間都睇睇~ 先至聲名~ 我覺得兩間都係一般架咋~





顯示詳細地圖

以墾丁大街為中心~ 等大家容易 d 知道大概位置~ 從墾丁大街出發約 30mins 車程~ 如果真係想食的話~ 一般建議大家玩墾丁 last day 去完海生館出黎食個麵先出高雄~ good fit~

路邊老蓮咁大個招牌~ 唔會走失~

仲識攪 d 花臣野~ 好明顯係做遊客生意~ 你明啦~

無心機亂影的~ 因為有 Ching 話只要將張相轉黑白或者墨魚 tone~ 就可以避免俾人插~ 所以焗攪~ 

呢邊係龍頭~ 行去尾排隊~ 麵食餐牌響頭頂~ 小菜響櫃面~ 揀完記得叫佢加熱~ 呢班友好興柞流攤~

其他野其次~ 餐廳食物質素先係重點~ 如果好食~ 我坐街邊都會食~ 台灣牛地方四正~ 位夠多~ 周邊又有好多唔等洗野~ 碗麵其實唔係難食~ 只係食唔出有咩特別~ 同路邊 NT$40 一碗老牛無分別~ 小菜奇貴~ 100% 遊客先食~ 

小菜普通料~ 辣醬亦無特別~ 仲要自己提佢加熱~ 唔係佢真係會冷盆咁上~ 唯一特別係 "特別貴"~

紅燒牛肉麵係會辣架喎~ 唔食辣既要注意~ 湯頭其實真係一般~ 可能我食過非常好食既牛肉麵~ 所以已經返唔到轉頭~ 

到底有幾貴~ 大家自己睇~ 我單拖食成 HK$90~ 仲要唔好食~ 睇得出我真心幫大家試毒啦下麻~

食完之後~ 覺得呢堆野我有份買~ 有 NT$200 應該用黎鋪草皮~

另外響正隔離有間叫 "屏東牛" 又係食牛肉麵~ 亦稍有名氣的~ 我都有食過~ 當然唔係同一餐啦~ 哈~

屏東牛比較重口味~ 食完好口渴~ 就算佢無落味精好喇~ 調味佢真係無慳過~ 你睇碗野有層油響面~

另外點左個牛雜湯~ 香港街邊 d 牛雜好食好多~ 不過不失~ 一樣重口味~ 九層塔味幾重~

屏東牛價錢稍為平些少~ 總括黎計~ 兩間都唔應該去旅行食~ 除非大家行完海生館真係餓得好緊要~ 好過食 7 仔咁解既者~ 大家唔信邪可以一試~ 然後我再帶你去食好食既牛肉麵~ 比較下~ 哈哈~

艾笠墾丁 2 - 40人專業台灣包車服務, 免費行程安排, 可指定香港人導遊

HK Tel : 81700438
Email : info@iLoveKenting.com

Web : www.iLoveKenting.com
















墾丁 - 台灣牛四學士牛肉麵 & 屏東牛肉麵 墾丁 - 台灣牛四學士牛肉麵 & 屏東牛肉麵 Reviewed by Unknown on 下午10:48:00 Rating: 5

沒有留言