屏東 - 泰國過泰國的泰國菜

我成日都話無理由飛黎台灣食泰國菜，我依家真係搵到理由喇，呢間野泰國過去泰國食泰國菜呀，據老闆所講，佢地本身係做泰國貿易生意，所以專程從泰國運左一座傳統泰式高腳屋返黎台灣自己故鄉屏東，等大家唔洗咁遠水路去泰國，去屏東就可以食到泰國菜之餘，連環境氣氛同氣溫都做到同泰國一樣，簡直係天才呀大佬。

先唔講泰唔泰式，淨係庭園餐廳已經夠好 hea，小橋流水 live band 又盛要咩都有，仲有唔少影相位俾大家 selfie 打卡添。

主打除左高腳屋，仲有一間間小木屋適合三五成群，個個好人嗰 d 黎玩。

連免仔都黎食泰國菜，你睇幾咁 pure。

如果黎自長洲嘅賓客，因為人數眾多，可以坐柴房，一樣夠坐。

入園要俾 NT$100，可全抵消費，細路免費，餐點價錢非常合理，呢點真係有 d 意外，用餐時間 2.5hrs，夠晒皮啦。

大推月亮蝦餅，中間蝦肉漿真材實料，口感扎實，仲保留無打爛嘅原蝦肉令口感更豐富，個汁同外面食嘅都唔同，酸味唔太重，可以食到蝦味，辣味夠但唔係化學辣，真心正。

另外呢碟唔係炒飯黎，係打拋肉，cp 值極高，小辣對我黎講都係辣左 d，不過就係天口焮先要食辣黎刺激下我苦悶嘅人生，當場食多左碗飯。

正所謂扮勁無錢淨，好似我呢 d 唔食得辣嘅人去食泰國菜咁就最易俾人伏喇，好彩老闆真係一等一好人，杯野飲 d 冰唔大粒，條飲管又唔粗，第一次食泰國菜飲一杯野可以出到門口。

大家黎玩高雄出發去墾丁，順路就玩埋屏東喇，呢間野係我地屏東山線順路行程，如果唔想食豬腳，不妨考慮去埋泰國玩，我為左配合主題都 cosplay Tony Jaa 去食架，我 d 膚色仲黑過佢 d 員工，可惜帶住兩個細，無辦法開懷咁食同埋影多幾張相，食物環境都有水準，值得推薦，其他菜留返俾大家親自品評喇。

最新屏東行程推介

http://ilovekenting.blogspot.tw/2015/01/blog-post.html

艾笠墾丁 2 - 40人專業台灣包車服務, 免費行程安排, 可指定香港人導遊

HK Tel : 81700438

Email : info@iLoveKenting.com

Web : www.iLoveKenting.com

Facebook : http://www.facebook.com/iLovekentingHK