高雄 - 高雄一日遊完美行程

高雄話晒都係台灣第二大城市~ 又點會無野玩呢? 加上高雄市政府正積極推廣旅遊活動~ 算係做得唔錯~ 咁究竟應該點玩呢?! 等我黎講解一下~

重要訊息 : 高雄本身係一個工業城市~ 早年因污水亂排~ 導致到水源被污染~ 所以大家黎玩既時侯記得唔好飲水喉水~ 買樽裝水就好喇~ 特別係帶小朋友既朋友要特別注意~ 雖然已經過左好多年~ 但相信已污染既水無咁快可以乾淨返~ 我地自己住高雄既都係要去買水飲~ 所以大家響高雄市唔難見到加水站~

其實高雄有好多玩法~ 主要視乎大家想放幾多時間玩呢個地方~ 首先講解一下高雄地理位置同市內交通情況~ 高雄市區有捷運~ 不過並唔方便~ 所以本地人都係自己柞車同柞電單車多~ 導致高雄捷運長期蝕本 (一百億資本已經蝕晒)~ 就黎唔掂~ 提一提大家去台北時咪有類似八達通咁既悠遊卡既~ 高雄係並不適用的~ 只可以去 7 仔買野~ 搭捷運係唔同公司~ 高雄係用捷運卡的~

咁點解高雄捷運唔方便呢? 睇睇個捷運圖就知喇~

舉個例子 : 假如 85 大樓到西子灣打狗領事館

捷運 : 先從 85 大樓反方向行到三多商圈站約 5-10mins~ 到三多站等車約 5mins~ 坐到市中心美麗島轉車~ 轉車要行約 5mins 先到另一個月台~ 重點係要識行~ 再坐到西子灣~ 車程約 30mins 左右~ 岩岩好行左個大運~ 西子灣站出去仲要行~ 大概 20-30mins 先到打狗領事館位置~ 中途亦無行人路~ 攪晒超過 1hr 先去到一個景點~

柞車 : 85 大樓出發到打狗約 15-20mins 車程~ 電單車會更快~

顯示詳細地圖

所以唔建議大家坐捷運去玩~ 你可以 Google Map 一下~ 85 到打狗~ 行去都係 1hr 15mins~ 6km 路程~ 你話笑死唔笑死~ 本地人點會搭丫~ 係我地呢 d 唔知訂既遊客先領佢野~ 所以如果規劃行程~ 打算用捷運玩的話~ 除非當日只玩同線景點~ 唔係棧攪~

市區當然有的士啦~ 不過全世界都一樣~ 明知你唔識路~ 佢唔兜一兜路真係對唔住自己~ 同埋有 d 景點唔屬於高雄市~ 如蓮池潭 / 旗山糖廠 / 佛光山 / 美濃客家村等~ 你搭一程車都幾百蚊台幣的話~ 咁不如包車唔洗煩~ 又有個熟路司機帶你玩~ 想食咩同佢講聲就 ok~ 即係同去台北玩一樣~ 淨係台北市行 shopping mall~ 咁梗係唔洗包車啦~ 但如果諗住玩埋九份十份等景點~ 就包車穩陣喇~ 高雄一樣~ 如果想玩多 d 景點~ 包車仲可以去埋台南玩添~

依家愈黎愈多人黎玩~ 不過都唔係好識玩高雄~ 第一旅遊資訊極少~ 唔知有咩玩~ 第二交通配套真係麻麻~ 外地遊客黎到~ 坐捷運玩一次~ 返去真係鬧爆你~ 仲邊有下次~ 就好似高雄機場咁~ 依家個個都要 online anytime 架麻~ 想話買張電話卡~ 要上返 3/F 離境大堂 (唔通諗住我買返香港用?!)~ 手續繁複隨時攪成個鐘~ 我 send 過 email 俾小港機場意見箱~ 後黎接機大堂終於有新 counter 開~ 淨係榙張檯攪個幾禮拜都算喇~ 最後原來係開醫療 counter~ 仲以為佢聽到我愛的呼喚~ 最後換黎只有失望~ 所以後來我自己發電~ 買幾部 Pocket WIFI 租俾自己客玩~ 唔洗等唔洗煩~ 無限流量任玩~ 最緊要大家 Happy~

高雄呢兩年變化好大~ 睇得出好有 heart 想做好旅遊業~ 可惜華人社會官寮制度主張射波~ 射黎射去快上快落睇黎無咩唔妥~ 其實大家都係等退休~ 好多景點放左資源落去~ 有 heart 可惜無交通配套無宣傳~ 咁我地遊客又點識玩呢?

跟住入正題喇~ 建議得大家包車~ 以下就俾個包車行程大家參考下~ 睇下大家玩過後會唔會對高雄改觀~

咁究竟要點排行程呢? 一般我地建議高雄留返 last 先玩~ 因為高雄距離墾丁 120km~ 路途遠就變數多~ 有咩差錯就坐唔到飛機喇~ 除非你卡到 d 假期位就可能就一就日期~ 住宿費會慳一大截~ 都係果句~ 高雄住宿費用平過墾丁的~

Plan A 高雄半日遊行程

好多時三日兩夜玩高雄墾丁~ Last Day 大家坐 2hrs 從墾丁到高雄~ 一般都係夜機先走~ 順路到高雄買個手信~ 行幾個景點就坐飛機走喇~ 所以時間唔多~ 可以參考下以下行程~

高雄牛肉麵 (港園) > 駁二藝術特區 > 鼓山碼頭 (小食) > 夢時代 Shopping Mall (摩天輪 + 手信) > 機場親子農場 > 機場返香港

駁二藝術特區係高雄最受歡迎景點之一

駁二長期有大小展覽~ 大部份免費開放~ 間唔中有要收費~

鼓山碼頭除左可以坐船到旗津之外~ 附近一帶亦係美食集中地~ 仲有間投注站賣 "刮刮樂" 刮過兩千萬台幣添~

Plan B 高雄一日遊行程 (有兩條路線)

如果大家黎玩~ 墾丁一日遊之後直接返高雄~ 咁就賺左半日時間~ 有全日時間留響高雄~ 可以玩遠少少既景點~ 以下有兩條最受歡迎既路線俾大家參考下~

路線 1. 高雄出發 > 機場親子農場 > 佛光山 > 旗山糖廠 (二月份有花海) > 美濃客家村 > 蓮池潭龍虎塔 > 駁二藝術特區 > 鼓山碼頭 (小食) > 鹽珵區美食 > Love 高雄夜景 > 高雄住宿