高雄 - 阿財雞絲麵 - 艾笠私伙遊記

每個地方都有一 d 隱藏美食~ 旅遊書上面係唔會介紹~ 係要真係響呢個城市生活過~ 先會發現既地道美食~ 我自己就非常鍾意食呢種唔係特別名店~ 但係有味道既鋪仔~ 同住民宿一樣~ 人情味加分~ 非一般大酒店能媲美的~

好多時問台灣朋友~ 絕對唔需要懷疑佢 "在地人" (即係陀地) 既身份~ 但係佢地推薦好多美食~ 都唔係好岩我口味~ 我亦都無話佢地老點我~ 只係大家口味真係有分別~ 就等如我每次思鄉時想食既劉森記柏葉鵝腸麵 + 淨雲吞咁~ 我老婆 & 外母 & 阿姨等人去香港時~ 無一棒場~ 即時被噓爆~ 去旅行食中餐地雷~ 就等如去揼骨 d 女唔掂~ 錢事小~ 晒左一餐事大~ 你請我都食唔落架麻~ 特別係去玩幾日~ 加埋食得幾餐~ 撻 Q 真係好難同 d 團友交待~ 不過有我響樹~ 就等我呢個小春子先試試~ 有咩好野再同大家 share~ 範圍收窄左~ 相信雖不中亦離不遠而~

高雄鹽珵區隱藏唔少美食~ 響好正響羊肉爐附近有間雞絲麵~ 真係隱藏版無吹水架~ 因為響巷仔裡面唔明顯~ 華麗裝修亦欠奉~ 但環境非常衛生~ 服務態度 very nice~ 整體感覺良好~

阿財雞絲麵

地址 : 高雄市鹽埕區壽星街阿財雞絲麵

營業時間 : 2:30pm - 11:00pm 星期日休息

顯示詳細地圖

其實唔近捷運~ 同駁二等景點亦係反方向~ 如果大家有響鼓山租單車會方便 d~ 不過要非常小心~ 七賢路兩邊都係停車格~ 車倒後唔一定見到你~ 安全第一~ 唔好一下 cut 出去~ 大直路車多~ 車速亦較快~ 停低慢慢黎~ 阿財開到 11:00pm 一定有得食既~

唔好意思~ 因為屬於意外發現~ 所以無帶相機~ 門口好多料~ 自己夾~ 係冷盆小菜黎~ 主菜當然係雞絲麵啦~ 有湯麵~ 有乾麵~ 我今次就食左湯麵先~ 跟規矩玩~ 唔洗急住搵位~ 夾左野先~ 排隊俾錢之後~ 店員會幫你安排位置~ 話你聽坐幾號檯~ 埋位坐低等開餐~

其實門口落 order~ 裡面整個餐牌黎做咩呢?! anyway 明碼實價~ 清清楚楚係好事黎~ 價錢相當大眾化~ 至貴果樣叫太監雞~ 我無試到~ 因為帶老婆同個女~ 即係得我食~ 佢兩個都唔係太食野~ 食飽就鬼殺咁噪話要走~ 所以下次小春子定必試一試佢虛實~

加左 NT$5~ 不過對我地平時食開澳牛光速餐既人黎講~ 經已感動落淚了~

上菜效率合乎香港標準 (黎過台灣食野應該知我講乜)~ 小菜我係亂夾既~ 正所謂食"紙"食著豆~ 真心推介雞皮~ 雞腎無特別~ 其他粉腸等完全無味~ 可以 pass~

重點雞絲麵一試難忘~ 一般響台灣食牛肉麵好~ 所謂既雲吞麵好~ d 麵都係好重澱粉~ 我自己就非常麻麻澱粉質食物~ 所以我係唔太食飯的~ 你睇阿財 d 麵係幼身的~ 岩晒我口味~ 軟硬適中又夠 Q (即係彈牙)~ 無竹昇麵咁 QQ~ 所以話軟硬適中~ 因為台灣人都覺得竹昇麵太硬~ 湯頭清但夠味~ 好明顯用料十足~ 相信門口堆小菜都係湯料~ 加上小小炸蒜~ 真係畫龍點睛~ 鮮味出晒黎~ 我好少食麵飲埋湯~ 不過呢碗野我清晒~ 雞絲雖然唔多~ 但我肯定雞絲係配角身份~ 綠葉黎者~