高雄 - 暑假限定愛文芒果雪花冰

其實呢篇純綷係抽水文~ 阿水都知夏天要食冰啦~ 愛文芒果係台灣特產啦~ 溝埋黎做愛文芒果雪花冰~ 丫笨~

品元糖口冷飲工坊
地址 : 高雄市左營區裕誠路 157 號
電話 : 07-5562748
營業時間 : 10:00am-10:00pm

雖然呢間野要去到左營~ 但係聽個名都知勁啦~ 去堂口食同你求其搵間食梗係唔同啦~ 同阿婆冰賣點唔同~ 唔係話大份就得~ 阿婆冰著左九成~ 食到一半已經後悔~ 頭都痺埋都未食完兜野~ 呢間唔同呀~ 我老婆仲係學生妹時期就已經日日排隊~ 排到依家都係要排~ 有圖有真相~

無論幾點去~ 情況都差唔多~ 主要有兩種野食~ 八寶冰即係刨冰~ 自己揀料的~ 另外有懶人包即係揀芒果雪花冰呀之類~ 就直接俾錢就 ok~ 玩法係要分工合作~ 派位團友去等位先~ 跟住係要排隊揀左料先埋單的~ 俾完錢可以坐低等 number 出去羅野~

唔好怕醜喇~ 衝入去見邊檯食得差唔多就好企響佢後面俾壓力喇~

勁多料你揀~ 唔洗問佢幾錢~ 因為係計重量的~ 你睇佢地揀得幾開心~

當然亦有做外賣~ 不過就阿姐幫你攪晒~ 少左 d 樂趣~

唔知點解~ 台灣食冰嘅地方都好興有民主牆任你畫~ 亮點自己找~

咁大兜刨冰~ 個底堆滿你自己揀嘅料~ d 女人黎到喪食都係 NT$40 (HK$10.8)~ 平過食老麥呀~ 又可以塞住佢地把口~ 哈~

識得食~ 一定係食愛文芒果雪花冰啦~ 愛文芒當造~ 暑假唔食等幾時~ 牛奶雪花冰已經係一絕~ 加少少練奶真係我嘅最愛~ 無咩好講~ 食過你就知~ 盛惠 NT$80 (HK$21.6)~

總括黎計人雖多~ 但策略成功~ 完全無問題~ 一人幾十蚊台仔食得開心又解暑~ 店內無冷氣~ 但係食住冰真係唔覺得熱~ 夏天必定幫襯之鐵竇~ 同埋自助餐式揀料真係好爽~ 要知道食 buffet 唔一定要食到嘔~ 最主要係食個感覺~ 放晒響面前任你揀~ 就如皇帝點妃一樣~ 一生起碼豪一次都只係幾十蚊台仔~ 所以我成日黎買返個自尊~ 自爽一下~ 雖然唔係柞人仔~ 但係都可以大大聲咁同個阿姐講 "這個跟這個不要~ 其他的給我包起來!!"~ 但係唔好投入得制捲晒脷~ 唔係人地唔做你生意呀~

艾笠墾丁 2 - 40人專業台灣包車服務, 免費行程安排, 可指定香港人導遊