高雄 - Caf'e 自然醒 (2014年 WBC 世界咖啡大賽冠軍)

啱啱睇到新聞~ 高雄人才輩出~ 賴昱權先生遠赴意大利參加世界咖啡大賽~ 勇奪烘豆組冠軍~ 即刻 check check 佢高雄鋪響邊~ 假文青慕名去拜訪一下先~

Caf'e 自然醒
地址 : 高雄市中山二路 463 號苓雅二路
電話 : 07-5366067
Facebook : https://www.facebook.com/Cafewakeup

鋪面唔顯眼~ 無華麗裝修~ 門口已掛恭賀 banner~

簡單休閒風~ 真係好適合訓到自然醒~ 再黎嘆杯咖啡~

明白晒~ 星期二公休~

店內坐位唔多~ 但係居然有三個 waitress~ 唔係 hea 做架喎~ 見佢幾個忙到反轉架~

咖啡種類齊全~ 價錢亦好親民~ 亦有 brunch 套餐~ 我梗係唔執輸試下啦~ 雖然幾個 waitress 踢晒腳~ 但係有留意我地舉動~ 見我地睇得差唔多~ 就主動埋黎落單~ 仲好細心咁介紹咖啡種類~ 坦白講咖啡我真係識條鐵~ 問我鍾意果香定花香~ 差 d 要揀打電話問朋友~

心諗世界冠軍咁把炮~ 直接問佢有咩招牌野羅黎試下好似穩陣 d~ 所以佢推薦我試下阿里山咖啡豆~ 世界冠軍烘焙台灣咖啡豆~ 應該無執輸~

等佢攪之際~ 當然四圍八下~ 店內有唔少咖啡相關擺設~

呢個野好靚~ 我呢 d 鄉下仔仲以為係得獎個獎座添~

佢地真係有好多種咖啡豆~ 但係我睇佢地個個都一樣樣~

門口就已經有部烘焙機~ 唔知會唔會好似刀削麵咁~ 響鋪頭真人 show 嘅呢~ 哈~

可能係我諗太多~ 或者佢地真係太乾淨~ 部機好似無用過咁款~

仲有好多收藏品擺設~ 有野影下其實幾開心~

呢塊黑板無得頂呀~ 啱晒我呢 d 無知婦孺~ 一次過睇晒各種咖啡豆同口味~ 原來阿里山咖啡豆係最貴架~ 半磅 NT$2000~

咁當然試過啱口味可以買返屋企啦~

不過我見佢地個吧檯好似實驗室咁多架生~ 我諗我都係黎 hea 飲會好 d~

因為我叫左 brunch 套餐~ 唔洗幾耐就有野飲喇~ 先黎杯特調黑咖啡~ 佢地全店咖啡都係唔加糖~ 部份只係少糖~ 所以真係可以飲到原本單純嘅咖啡味~ 非常適合啱啱起身嘅我~ 因為空肚唔可以食早餐係常識黎~ 我自己唔太鍾意咖啡酸味~ 呢杯岩岩好~ 好醒神~

跟住上個前菜~ 一個係冬菇~ 一粒係蕃茄~ 服務員每次都會好細心咁介紹菜式同咖啡烘焙方式~ 口味~ 同要點樣飲~ 對我黎講真係長知識~

跟住就黎沙律~ 佢又有解釋點解 d 菜咁大塊上~ 仲有教你點食添~

醬料有四種~ 我揀左小紅莓果醬~ 即係蔓越莓~ 出奇地好味~ 食得出無加其他野落去做果醬~ 係天然果肉嘅香味~ 加上呢 d 莓類野我都好乃~ 成件事好似有 d 乸~ 唔好意思~ btw 佢見我兩下食晒個醬~ 係佢主動埋黎問我需唔需要多 d~ 咁我就梗係唔客氣啦~

Hea 到咁上下~ 全場發放一杯咖啡~ 我唔識分係邊種咖啡~ 但係無開波個特調咁好飲~ 跟手主菜就黎喇~ 打橫果條係意粉黎~ 佢話食得的~ 主菜都有得揀架~ 我就揀左食肝~

又係估唔到的出色~ 醃過嘅肝幾重口味~ 較咸~ 我發現咁樣夾佢個包係好好食的~ 炒蛋亦係只放少少黑椒碎調味~ 味道又係岩岩好~

其實個包都好好食~ 夠彈性~ 裡面有糙米架~ 唔知麵包機整唔整到呢?!

三寶佢地食貝果~ 即係 bagel~ 咁岩都係揀小紅莓醬~ 真係好正呀~

無厄你架~ 你睇佢幾搶口~ 哈~

食飽之後我杯阿里山黎喇~ 兩杯其實係一樣嘅~ 不過溫度唔同~ 同埋高杯可以睇到咖啡顏色~ 仲有方便你聞下咖啡嘅香味~ waitress 建議先飲熱嘅~ 再飲高杯暖嘅會好 d~ 仲有包手工餅干~ 竟然發現餅干係出自我公司附近嘅 cafe~ 之前都有介紹過~ 唔通佢地 friend 底?! 等我下次去八下先~

老婆就鍾意飲 Latte~ 我就麻麻地~ 雖然唔係幾飲到咖啡有咩分別~ 但係當事人話好飲過好多 cafe 喇~

小小一間店~ 足足有三條友~ 點解會咁踢腳呢~ 我發現佢地好認真去同每一位客人介紹~ 不論你係識定唔識~ 有問亦一定必答~ 從佢咀角我亦無發現佢有偷笑我無知~ 就如佢地招牌上面所寫~ 佢地係好愛好愛咖啡~ 亦拒絕人工添加~ 所以餐飲都盡量少加額外調味~ 可以食到食品原本味道之外~ 真係好適合一早起身去食~ 等身體同心靈都可以真正咁 relax 一下~

總括黎計~ 食個 brunch 由頭到尾好似食法國餐咁~ 五星級服務~ 茶記收費~ 食物水準之上~ 咖啡種類多~ 要試晒相信都要一段日子~ 兩個人食左 NT$650 (HK$175)~ 因為我杯阿里山要 NT$250~ 可惜我呢 d 妹仔命~ 都係覺得開波杯特調好飲 d~ 已列入個人 hea 點之一~ 地點方便~ 值得一試~ 唯獨對面停車場幾狼死~ 停車夠我食多餐~ 所以自駕柞車去就停遠少少~ 有路邊停車格~ 唔好亂停~ 市區有拖車的~ 距離三多商圈捷運站亦只係十零分鐘路程~ 去完誠品~ 過去食個 tea 又係 fit~ 大家不妨參考下~

艾笠墾丁 2 - 40人專業台灣包車服務, 免費行程安排, 可指定香港人導遊