給自己一個聽風看海的理由 - 好樂.杯冰

呢個世界沒有完美的，所有事都離唔開等價交換呢條鐵則。小弟好享受依家嘅工作，但因為工作時間長，犧牲左好多陪屋企人嘅時間。最近三寶每晚見到我，都會戴住媽咪的草帽，走黎同我講 "爸爸~ 我們去捉魚吧~"，然後拖我到門口開始佢嘅幻想旅程。我每日到海邊，帶其他小朋友捉魚嘅時候，多希望自己的小朋友可以響身邊。
於是我將自己一個月唯一一日假，唔去排學友演唱會飛，帶齊一家大細出發去墾丁，無錯~ 又係墾丁。從高雄出發到墾丁約 120km 路程, 沿途穿過整個屏東縣先到到墾丁，我地每日除左玩，仲會留意身邊有無新野值得同大家分享，就好似今次要推薦嘅新蒲點，正好讓剛剛落機的你，調返岩個 channel 先好去墾丁。

好樂.杯冰
地址 : 枋山鄉枋山村中山路三段
電話 : 08-8761082

位置其實算明顯，不過門外車速無敵快，請唔好急住落車，依我地司機指示會比較安全。

有套餐可以填肚，已經食飽海鮮或者豬腳都適合再黎杯新鮮可可，老闆娘特別推薦的，仲有新鮮可可果俾你睇下，大家唔洗急住點野，入去揀個靚位坐低先，唔急唔急。

其實我已經經過門口好多次，不過唔敢帶客入去，因為自己都未試過，今次特地要黎試下，我入去見到呢個 view 已經返轉頭叫全部人落車，very ok。

老房子最有味道，睇得出老闆用心經營，亦見到佢不斷做建設，希望佢愈做愈好，但唔希望太多人知，對唔住~ 人係自私的。

如果你真係好怕熱，係有冷氣房的，不過 100% 無海風咁舒服。

你黎到睇下我地膚色就知，南部係無可能唔熱架啦，黎南部玩你會發現，原來樹陰係咁正。呢棵芒果樹黎架，不過睇下好喇，要食我帶你去買。

你睇小朋友就知，人本身其實係好簡單，陽光海灘送你一個樹陰就已經開心到暈。

留肚專登黎試菜，真材實料，水準之上。三文魚唔係 cheap 扒黎，物有所值，煎封得剛剛好。雞扒亦有返兩下散手，照燒方式有 d 似燒臘，新鮮滾熱辣，誠意十足。調味適中無落味精，唯一缺點係西左 d，無咩台灣特色，咁人地本身又唔係做台菜，所以應該係我西 d。

就算食飽左先到，我覺得亦非常需要響度飲杯野，聽聽風看海，沉澱下自己，調返個渡假 mood 出黎，保證你之後玩咩都好玩。

建議大家黎睇睇一個向海人的故事，羨慕非常，所以個人大力推薦大家黎感受下。

每個小角落都睇得出用心，特別係保留原有的老房子，係小弟終極 dream house，等我仔女大學畢業，我一定搵間咁款嘅屋退休。

附送無敵大沙灘，背山面海，如果響香港有個咁嘅地方，你食一餐可能夠黎台灣玩一轉了。

大人小朋友都無投訴嘅好地方，三寶一直痴痴的看海，證明佢真係我個女。我地呢度叫左兩個餐，新鮮可可係單點的，埋單 NT$500，有野食有野玩，又夠晒地方俾細路放電，放假識玩一定係咁玩啦喂。

同場加映墾丁秘境之天然兒童禧水池，請自備泳裝，早鳥預約附送五尺七吋血肉之驅，廿年前過期救生員一名。

為博上輩子情人一笑，200km 路程算得係咩，終於可以親身體驗捉魚，唔洗再睇住個 iPad 活響自己幻想之中，小朋友成長過程只有一次，再搏命都係為左屋企，有時會發現佢地要的，唔一定係物質，親子時間係無價，留一個快樂童年俾小朋友，一切都係值得，希望你地旅程亦可以同樣美滿，黎得就要落力 d 玩。

艾笠墾丁 2 - 40人專業台灣包車服務, 免費行程安排, 可指定香港人導遊

HK Tel : 81700438

Email : info@iLoveKenting.com

Web : www.iLoveKenting.com

Facebook : http://www.facebook.com/iLovekentingHK