高雄 - 等一個人咖啡之大嫂到左高雄鳥

等周慧敏等左廿年，生平最憎嘅人就係倪震，好明顯我係為左大嫂而黎，既然你已經黎到高雄，咁我好歹都要試一試。我好想問招牌上個簽名係邊個簽嘅，我本來都想簽架，不過諗深一層，8/F 喎，走唔切，算你好彩。

等一個人咖啡

地址 : 高雄市左營區博愛二路 (即係高雄漢神巨蛋 8 樓)

電話 : 07-5867796

因為鋪頭係響百貨公司裡面嘅關係，座位數唔算多，以平日計其實算好旺，高雄星巴克係唔會無位坐的 :)

先黎睇睇個餐牌先，價錢響百貨公司裡面算正常，又周慧敏又盛咁，點都要捧個場。但係睇黎野食唔係重點，同埋我仲有下一場要食，所以 pass 淨係叫野飲。

同大家一樣，只玩重點，咁重點梗係黎特調老板娘，同埋大嫂的奶頭啦，我諗唔會玩咁大真係有毒掛。

落完柯打之後我立馬衝去睇下沖咖啡先，依喂，老板娘唔係咁調架喎好似。

原來話老板娘特調每日限量一杯，我點嗰杯只係平民版，唔一樣的，老老實實如果真係嗰個人調的話，我聽朝就黎等你開門得。

結果只飲到平民版老板娘，爭咁遠嘅，呢個老板娘好似賣肉燥飯乍喎，換返個奶頭黎得唔得呀?! 因為杯野係黑咖啡加檸檬，對唔住，我唔鍾意酸，最後俾左我個老板娘飲。

我老板娘話好特別，好飲過杯奶頭咁話。你睇下成杯 Dry Martini 咁款幾有 feel。

至於我就真係鍾意杯奶頭多 d，因為有加 baileys，所以甜嘅，有 d 蓋過左咖啡味，但你同我都知，重點不在咖啡的。

除左飲野，仲有 d 週邊野賣，咖啡豆咁樣一包 NT$690，唔平，不過佢話可以沖黎試過先買，咁又 ok，但我最後都無買，唔好打面，口味嘅野，都係自己試過先買啦，係咪先~

為左配合主題，我專登騎車黎架，幾有你心，成件事都係為左消磨時間，係星巴克嘅另一選擇，大家行開左營可以去坐下，夜 d 順便行埋瑞豐夜市，又係 fit 啦。

最後一張純綷發爛乍，因為沖咖啡嗰個都唔同樣嘅，又溝晒人地 d 女，咁算點先依家。

艾笠墾丁 2 - 40人專業台灣包車服務, 免費行程安排, 可指定香港人導遊

HK Tel : 81700438

Email : info@iLoveKenting.com

Web : www.iLoveKenting.com

Facebook : http://www.facebook.com/iLovekentingHK