高雄 - 老字號鹵味阿囉哈

每一個城市其實都有好多隱藏美食~ 背後既故事又真係高過 101~ 就好似呢間響鹽珵區老字號鹵味一樣~ 確實係幾好食~ 每次偷閒踩夜車既時侯~ 都會專登兜去買份鹵味~ 坐響愛河整返罐啤酒~ 務求將運動成果化為烏有~

唔好睇佢鋪仔細細~ 黎買既人真係無停過~ 無排隊咁誇張~ 不過真係無見佢停過手~ 所以住高雄既人~ 真係無可能唔知呢間野~

相中長毛其實我唔識~ 唔知係咪迪克牛仔老爹~ 定係格鬥流大師兄~ 見佢掛得響門口~ 應該有返兩下散手~ 但又唔好意思問老闆娘~ 點解呢?! 睇落去你就知~

你睇個招牌~ 開正響隔離~ 又大家姐又盛咁~ 好明顯又係家變分家啦~ 台灣~ 或都唔止台灣~ 好多老字號都係咁~ 上一代努力做起個朵後~ 下一代傾唔掂數就自己分家~

其實無他~ 不過親戚一場~ 開正響隔離打正招牌~ 一有人落車就鬥搶客~ 鬥派試食~ 本來同一家~ 相信口味都差唔多~ 咁既然品質分別唔大~ 最後就鬥價錢~ 然後大家無飯食攬炒~ 呢 d 舊橋真係家變玩到依家~ 唔係新鮮事~ 但係無間咁發生~ 如果大家各退一步~ 大家姐打個本俾細路妹去遠少少開~ 台南好無~ 再做大佢的話~ 可能家族企業就有得做~ 可惜可惜~