高雄 - 韓劇迷朝聖之地 - Coffe Bene (高雄左營區)

一眾韓劇妹尖叫既碩仔代言 (其實我唔識佢~ 我淨係識 "你准 gay")

當身邊所有女性都迷韓劇既時候 (包括我阿媽)~
我對韓劇既認知仍然停留響 Rain 浪漫滿屋~ 仲有集集都喊既天國的雞批~
連成日 Gee 果幾位少女~ 到底有幾多人我都唔知~
Anyway 老闆娘話最近好紅~ 客人一定鍾意咁話~
咁我就即管去睇下~



Caffe bene 韓國官網 : http://www.caffebene.co.kr

位置響高雄左營巨蛋附近~ 其實唔近~ 門口位靚女亦無人知係乜水~ banner 毫無 design 可言~

入去有人帶位~ 要羅籌添~ 慢慢睇~ 同排街症一樣要等嗌 number 先可以出去俾錢...

講真裝修唔係唔靚~ 但未稱得上有特色~ 同埋唔知係咪新開啦~ 個書架無書~ 俾 d 誠意好喎~ 

外面風景亦唔係清幽~ 一個字~ 麻麻地~

"服務員" 都唔係一樣樣既~ 哈~ 唔知邊忽係韓風~

個人感覺就係一間普通到普通既 cafe~ 紅既原因就係超出我知識範圍既野~ 即係唔識野~

入到黎其實我肚餓~ 不過野食無咩得揀~ 唔係食麵包就雪糕~ 焗叫麵包~ 野飲選擇就夠多~ 補返條數~ 都係果句啦~ 自己唔知訂~

等到你落 order 就唔好咁快開心住~ 俾完錢佢話要等一個鐘左右~ 我真係好想叫佢回水~ 我過七仔食溫泉蛋算~ 當然最後都要等啦...

三份野都好食~ 但係我唔明點解要攪咁耐~ 因為現場人其實唔多~ 野食亦係焗返熱個包~ o即 d 野上去就行得~ 真係要捉班 waitress 去整容~ 呀唔係~ 捉去香港茶記再培訓先岩~ 保證你下年上市~ 

總括黎計就係我唔知佢有咩賣點啦~ 我老闆娘話人地 d 野韓國黎~ 咁又唔係食泡菜同氣鍋雞~ 麵包都有式認既咩~ 當堂俾人剷到上天~ 叫我過隔離食黑輪算喇~ 佢話後面個鐘韓國架喎~ 咁又點呢?!

你睇兩位阿姐幾 enjoy~ 價錢我覺得無需要俾預算大家~ 因為黎既目的唔係食野~ 要排呢個行程既就一定會黎~ 由佢地開心下啦~ 男人請跟我行~ 我地去打棒球機把啦~ 

順帶一提~ 左營好多寵物店同小朋友服飾店~ 的確係個好 hea 既地方~

艾笠墾丁 2 - 40人專業台灣包車服務, 免費行程安排, 可指定香港人導遊

HK Tel : 81700438

Email : info@iLoveKenting.com

Web : www.iLoveKenting.com

Facebook : http://www.facebook.com/iLovekentingHK