艾笠話你知 - 台灣包車注意事項篇 (iLoveKenting.com)

2015年3月份更新
為咗與時並進，台灣路上通用車款亦有更新，從 2010 年開始響墾丁生活，至今經歷過唔少風雨，慢慢搵到適合自己嘅路行，唔需要同其他人比較，但求自己做得開心，黎玩嘅自己人又玩得開心。以下提供一些資料俾大家參考，希望幫到想要黎台灣包車玩嘅你，更容易搵到合適車款。

首先講下台灣合法響路上行既車種:

1. 正七人座私家車 : 連司機最多可坐七位成年人，專為家庭用車習慣而設計，特別適合有老人家或者小朋友的家庭。Honda Odyssey 已經做到第五代，低車身方便上落，中間兩張 captain seat 提供最舒適坐姿，有效減低長途車帶來的不適感，第三排空間亦俾到一般成年人 (180cm 以內) 足夠乘坐空間。但世事無完美，坐位編排以舒適為主，相對犧牲左行李空間。一位司機 + 五位旅客係最舒適，行李極限係 25"x1 ， 21"x1 ， 26" x1 ，行李資料以供參考。出發前可以同我地確認一下行李量，咁就萬無一失，七人座車款亦適合 2-4 位對安全舒適有要求的旅客，乘客少左相對就唔洗擔心行李問題了。美國 IIHS 高速公路安全保險協會評為 Top Safety Pick，等級不一樣就多一份保障。

2. 五人座私家車 : 一般私家車，行李空間唔大，29" 行李 + 24" 係極限 (或 24"x3) 。 扣除一位司機最多可載四位乘客，不過後排坐三位的話會比較迫。適合兩至三位旅客，Nissan TIIDA 後座空間係細車中最舒適，細車靈活，機動性高，適合台灣市區路況。但畢竟細車車重輕，路感舒適度可接受，美國 IIHS 高速公路安全保險協會評測為可接受。

Example : Nissan TIIDA 同級中空間最大

3. 5+2人座私家車 (不建議) : 台灣的士最常見車款 Toyota WISH，台灣神車之一，個人標準安全性同舒適感都不能接受。座位鋪排同一般私家車差唔多，第二排中間位置硬背設計非常痛苦，第三排腳部空間不足，頭部可以講係貼住玻璃，無行李位置，時下好多勇者司機會將行李用橡筋扎響車頂，危及其他道路使用者安全。如同行人數超過四位，行李同樣係超過四人份，Wish 絕對應付唔黎，如果當五人座私家車坐，第三排收超放行李會比較合適。第三排無冷氣，二三排空間感亦差，無舒適度可言，美國亦無此車款，暫時無評測數據參考。

Example Toyota WISH

4. 八人座 or 九人座 : 台灣最大客車載客量為 9 人，扣除一位司機最多可載八位旅客，約人同遊最好就一就人數，人數超過 9 位可分兩車或者直上 20人座。一般建議坐八人座，因為有行李空間，座位鋪排亦較舒適，現行九人座一般車頭司機隔離要坐兩位，即第一排計埋司機要坐三位成人，長途旅行會比較辛苦。

Example Volkswagen T5 長版 (連司機正常坐 9 人) 不建議

• 入門級別歐洲車安全性同舒適度都可以接受，但九人座長版無行李空間，行李需放置於走廊，與乘客並排，人貨無辦法分隔會有俾行李掟中嘅危險。最後排無冷氣出風，有司機會後加改裝，但冷氣不夠力傳到車尾可說是先天不足。此車款亦係違例改裝熱門車，大部份都會加裝座椅，但載重超出原廠設定係非常危險嘅事。原廠座椅不設微調(即係椅背斜度無得較)，空間及舒適度可接受，歐洲 NCAP 評測為可接受車款。

Example Volkswagen T5 短版 (連司機正常坐 8 人)

• 八人座短版同為入門級別歐洲車安全性同舒適度都可以接受，有獨立行李空間，可應付七位旅客連行李包括 bb 車。商用車好少用八人座短版，因為車價差唔多，但少一個座位，車身長度較短，第三排有獨立冷氣出風，原廠座椅不設微調(無錯椅背一樣斜度無得較)，空間及舒適度可接受，歐洲 NCAP 評測為可接受車款。

Example Volkswagen T5 短版 (連司機正常坐 8 人)

合法定義:

台灣法例其實同大部份國家 (包括香港) 無太大差異，大家有車牌既朋友可以睇睇自己車牌，私家車定義係唔計司機，載客量不多於七位。

合法掛牌既車最多載客量為 8 位 (唔計司機) 車牌係白色

載客量 8 位以上為營業車~ 車牌係紅色~

所以如果司機同你講，佢架車坐到 10人 11人，千奇唔好坐佢車，警察截停開兩張單，超載一張，改裝車一張，你只要問佢o個部係咩牌子既車，去 official website 睇睇，原裝出車座位鋪排就知有無改座椅。

非法改裝車三大問題:

1. 佢必需將原廠座椅拆晒，再裝副廠座椅上去，好多司機會加高座椅方便塞行李，咁萬一有咩差錯，有扣安全帶都無用，因為張椅同部車未必能夠安全固定住，驗車合格出廠既座椅已經拆晒喇，所以係直接影響人身安全。

2. 非法改裝就講到明唔合法啦，所以買咩保險都無用，同醉酒駕駛意思一樣，先違法保險無得保。

3. 如果有留意車既朋友一定知，每架車出廠都有載重限制，表示o個架車載幾重，範圍以內先叫安全，如果超出載重限制，避震同煞車負擔會加重，超出負荷就一定出事，特別到中部玩既朋友，清境 日月潭 阿里山 都係山區，上山落山，經常有新聞火燒車，中落山等，大部份都係機件故障造成。

所以建議大家唔好慳，坐唔落就叫多部車，或者直接坐旅遊車，價錢唔會爭好遠。

車本身當然係硬件，保護維修跟足之餘，我地自己全部都用新車

廢話真係講太多~ 總括黎計可以參考一下

	景點旅遊舒適度	連行李接送舒適度	高雄機場到墾丁參考價錢	高雄/墾丁景點一日遊參考價錢
Nissan TIIDA 坐二至三位乘客	10	10	NT$2200	NT$3500
Nissan TIIDA 坐四位乘客	5	不適用	不適用	NT$3500
Toyota Wish 坐四位乘客	10	8	NT$2500	NT$4500
Toyota Wish 坐四至六位乘客	5	3	極限為五位乘客	NT$4500
VW T4 坐五至七位乘客	8 (視乎地區山路不建議)	6 (車齡大長途較辛苦)	NT$3000	NT$5000
VW T5 長版坐七至八位乘客	10	6 (行李放走廊較危險)	NT$3800	NT$6000
VW T5 短版坐七位乘客	10	10	NT$3500	NT$5500

仲有 2012 年 6 月起~ 12歲以下小朋友強制要坐安全座椅~ 捉到的話罰 NT$500~ 如果帶小朋友黎的話記得要求有合格既安全座椅喇~

包車導覽適合你嗎?
其實台灣地方真係好大~ 無論你去台北好~ 台中好~ 高雄墾丁都好~ 我覺得包車都係最好既方式~ 當然都要睇你想點玩~ 如果你只係行街 shopping 無咩景點要玩~ 就梗係唔洗包車啦~ 坐的士咪得囉~ 

其實世界各地都有包車導覽 (local tour) 呢種行業~ 如果我自己一個人去玩~ 我一般會選擇亂衝亂撞~ 迷路其實亦係旅遊樂趣之一~ 誤打誤撞仲可能會發現好野~ 不過如果三五成群~ 或者一家大細的話~ 我肯定會 join local tour 去玩~ 有當地人帶你玩同你睇旅遊書去玩係差好遠~ 同埋人多口雜~ 萬一有人扭計~ 真係無晒 mood 去迷路好無~ 加上大家可以分擔車資~ 計落真係仲抵過站站坐的士任佢兜路架~ 所以其實要用咩方式玩~ 最主要都係取決於你同咩人黎玩~ 同埋旅遊集慣啦~

以上資料只供參考~ 亦係大部份想要包車既朋友成日問既問題~ 重點係視乎人數同個人要求去揀你要包咩車~ 圖文並茂希望幫到手~ 當然有咩都可以直接打俾我地問啦~ 哈~

HK Tel : 81700438

Email : info@iLoveKenting.com

Web : www.iLoveKenting.com

Facebook : http://www.facebook.com/iLovekentingHK