台南 - 安平樹屋 + 德記洋行 (追加搵食篇外傳)

黎得台南一定會玩安平區~ 景點黎計~ 安平樹屋比安平古堡更值得睇~ 因為有誘因驅使你買飛入去~ 咁到底有咩玩呢~ 入去睇下咪知囉~

同樣以安平路為中心~ 去樹屋柞車唔洗 5mins 就厄你嘅~ 台南特式車多路窄多迴旋處~ 實際行車時間約 10mins~ 樹屋門口古堡街假期封路~ 只能停外面停車場~

門面裝修過~ 靚仔左~ 因為近年台南旅遊非常之紅~ 你睇華航成日有 promote 就知啦~

NT$50 入場~ 一張睇晒樹屋同德記洋行~

裡面同以前一樣~ 無咩大轉變~ 一樣鬼影都無隻~ 哈~

呢 part 其實可以 skip~ 真係無咩睇~

入到去基本上樹係大過間屋~ 有樓梯可以上~ 樓梯穩陣~ 但反而行地面要小心~ 如果落過雨~ 小心泥漿摔角~

你見我咁 hea 講就知我唔係為樹屋而入去㗎啦~ 入黎其實我係為左食雪糕嘅~ 呢間蜷尾屋霜淇淋台南好紅~ 排隊都未必食到~ 一日至少賣 300 支咁話~ 樹屋入面係分店~ 因為要入場費~ 所以唔洗排隊~ 位置係非常隱閉~ 行到最裡面竹林深處嘅角落頭仲要無指示牌~ 入場亦無廣告無盛~ 唔係我去旅行做足準備真係點知你裡面原來有野食呢? 所以你睇~ 無人係正常的~

蜷尾家 Facebook : http://goo.gl/1ffAs6

雪糕門口買就 ok~ 一支 NT$80 狼死左 d~ 計埋入場費成 NT$130 食個甜筒~ 度叔如我當然係自己入黎買成村人嘅雪糕出去食啦~ 以我經驗~ 如果你同我一樣得兩隻手~ 小弟至多可以羅四支~ 事前請先熟習逃走路線~ 因為一樣係溶得好快~ 假期多人請配合凌波微步同時使用~ 危急時難免要 lam 一下個筒~ 所以請各親友要先有心理準備~

裡面係 cafe~ 平日 hea 下 ok~ 但台南特式 cafe 好多選擇~ 所以我無用到當日 quota~

隔離德記洋行同打狗領事館一樣~ 都係講解返當時呢棟建築物用途~ 德記洋行以前係賣鴉片嘅地方~ 依家主要係保留返以前英式建築~ 德記洋行亦經歷過日治時期~ 對歷史有興趣~ 可以睇下~ 或者外面影相都 ok~

如果你有去過打狗領事館~ 其實都唔洗入去睇~

出黎之後向安平老街方向行~ 見到有間新開餐廳~ 同時後面係做設計旅店~ 所以我點可以唔去八下呢~

價錢響台南算貴~ 但西餐黎講可以接受~ 當日成場得我一檯~ 上菜速度正常~ 服務 ok~

飲啖茶~ 玩下電話~ 差唔多有得食~ 期間運用空檔問旅館管家~ 設計旅館走中高檔路線~ 房價 HK$1300-1400 起跳~ 房數唔多~ 氣氛清幽~ 位置適中~ 設備全新~ 不過停車困難~ 要行遠 d~ 同埋夜晚 7:00pm 後呢區敢講係水盡鵝飛~ 但係台南住宿大部份為舊式賓館~ 或者百年老房改建~ 老房改建民宿好有特式~ 但管路設備始終係舊~ 小問題難免~ 呢間係全新從零開始起出黎~ 算係俾大家多個選擇~ 當然最後都係建議大家返高雄訓啦~ 選擇多~ 價錢同質素都比較易接受~

同棧設計旅店 Facebook : http://goo.gl/G9Tyrc

言歸正傳~ 白汁海鮮意粉水準之上~ 好食~ 材料新鮮~ 意粉軟硬適中~ 啱晒我胃口~

雞肉焗飯都非常好食~ 焗飯我好怕食太濕嘅~ 佢地做到火喉啱啱好~ 有小配菜係新鮮海藻~ 咁啱又中晒我杯茶~ 無辦法~ 呢餐食得好開心~ 後悔野飲打穩陣牌叫美式咖啡~ 不能作準~ 但以食物質素黎計~ 我願意晚餐黎開支餐酒的~ 唯一略嫌份量太少~ 好彩有老婆手尾執~ 食多半碟飯~ 如果唔係唔夠飽~ 相信 setting 係俾你真係從前菜食到甜品~ 當日兩條友直接點主菜 + 一人一杯野飲~ 埋單 NT$700 有找~ 以呢個食物質素係俾得舒服嘅~ 不過台南呢區真係稍貴~ 點解成日嫌貴呢~ 我諗可以輸在周邊環境同氣氛~ 裝修有用心~ 設計乾淨利落~ 不過外面係學校旁嘅公園~ 隔離係舊民房~ 好似掙 d~ 同埋最主要可能係黎台南都係預左踎街邊篤篤下~ 突然間要俾多十倍價錢有 d 驚帶唔夠錢~ 哈~ 我應該會再黎嘅~ 下次夜晚去睇下會唔會好 d~ 成日話熄左燈都係一樣丫麻~ 你又食下睇下係唔係~

總括黎計樹屋都係台南主要景點之一~ 不過如果唔食雪糕~ 其實可以唔入去~ 安平區仲有好多野玩~ 等我地一點一點同你慢慢玩~

艾笠墾丁 2 - 40人專業台灣包車服務, 免費行程安排, 可指定香港人導遊