台南 - 七股鹽山

成日都話台南旅遊資訊難搵~ 好多朋友黎玩都唔知點玩台南好~ Google 問返黎只有呢 d 行貨景點~ 七股鹽山係行貨當中嘅佼佼者~ 當然見到你哋話想去我都會勸阻~ 不過口講無憑~ 到底點行法~ 我就影俾大家睇下~ 仲想唔想去可以自己衡量~

同樣以安平路為中心~ 去七股鹽山實際車程約 45mins~ 附近亦無值得睇嘅景點~ 一來一回計埋落車玩~ 無左 2-3Hrs~ 個人認為非常唔值得~ 

門口更亭有收費~ 一部車 NT$100 算合理~ 人肉 walkin NT$50/head~ 咁梗係坐車抵啦~ 

睇完車入去見到行到唔行嘅建築物~ 先唔理佢~ 睇左鹽山先~ 

好多位俾我嫌三嫌四~ 舊石流咗 d~

近睇呢堆鹽亦睇得出係人工堆出黎~ 

其餘山坡無咩鹽~ 就撐樓梯上去睇睇~

攻頂後發現嚴重後悔柞咁耐車黎~ 樓梯行到一半就已經有人放棄~ 因為樓梯算幾斜的~ 曾經睇過好多黎七股影鹽田都好靚~ 但大多數都係 magic moment 影~ 此時到頂之後心情~ 就等同於o靚模卸妝~ 乃咗野~ 同埋邊有咁多 magic moment 你玩~ 好似當日雲咁厚~ 到黃昏都只怕係白白去餵蚊~

背面係周邊設施~ 有小朋友玩嘅遊樂設施~ 有高卡車之類玩~ 但當日鬼影都無隻~ 所有野玩都無開~ 

從高處見到有間屋仔~ 諗住過去睇下~ 點知....

裡面係咁款~ 日光日白都要開閃燈先影到~ 重點係無重點~ 完全唔知攪咩~ 

好努力四圍搵野睇~ 入埋去啱啱門口嗰棟野~ 喂~ 唔係華潤咁正下麻~ 

無言的紀念品...

特產台灣之鹽~ 無話你錯~ 之但係呢 d 野真係我樓下超市有售的~ 

台鹽抗敏牙膏~ yes~

都叫做有寫真影~ 但被阿姐大聲阻止~ 話唔俾影相~ 真係唔好意思~ 咁我走快 d~ 你等餵蚊啦你~

對面有鹽工藝品展覽~ 照殺~

十二生肖頭到此一遊~

行返出黎見到有 鹽之 DIY~ 

呢檔直頭無人睇~ 睇怕連佢自己都頂唔順~

當我拿起支野嘅時侯就有人失驚無神咁響我背後出現~ 佢堅持話係鹽~ 但我睇唔出同彩砂有咩分別~ 

距離不遠有台灣鹽博物館~ 柞車約 2-3mins~ 到門口已經有人講明唔入去~ 叫我自己去睇~ 

心諗硬住頭皮~ 有無野睇都睇下啦~ 預咗要俾錢~ 

結果巧遇一個月一次休館~ 真係感謝主~ 

總括黎計晒心機捱眼訓~ 白白浪費時間黎呢度~ 無野睇無野玩~ 個人係絕對唔建議浪費時間去七股鹽山~ 台南仲有好多好野玩好野食~ 一日已經未必夠時間玩~ 就唔好響呢種景點度晒彈藥喇~ 

艾笠墾丁 2 - 40人專業台灣包車服務, 免費行程安排, 可指定香港人導遊

HK Tel : 81700438

Email : info@iLoveKenting.com

Web : www.iLoveKenting.com

Facebook : http://www.facebook.com/iLovekentingHK